Takk for oss!!!

Og så var det over for i år. Etter tre månader der vi har tenkt revy 24 timar i døgnet, har vi endeleg fått utløysninga vi har venta på. I løpet av 5 forstillingar har godt og vel 600 stk sett revyen ”De fellj so kammar ti nysnøv” å ”de e svert de”.

Vi vil med dette få takke alle som har bidrege til nok ein suksess på scena på Ungdomshuset Tresheim. Både aktørar, musikk, bakkemannskap, sponsorar og publikum innfridde alle forventningar. Spesielt vil vi nemne dei fire debutantane som gjorde ein strålande innsats. Vi håpar at alle vert med i framtida, og at andre nye kjem til etter kvart.

Som vanleg når påska er over så går Tresfjord Ungdomslag i dvale, men i år vert ikkje dvalen så langvarig. Frå 1. til 3. juli er det nemleg tid for den åttande Gapskrattfestivalen. Då treng vi på nytt både sponsorar og publikum, og ikkje minst dugnadshjelp. Har du lyst til å bidra så ta kontakt. Følg med på nettsida til festivalen: www.gapskratt.no . Her vil det kome informasjon fortløpande framover mot festivalen.

Så for denne gong, takk for oss, og så treffest vi på Gapskratten!

Gå til Gapskrattens nettsider her...